• To była szkoła, to były czasy!

  • To była szkoła, to były czasy!

  • To była szkoła, to były czasy!

  • To była szkoła, to były czasy!

  • To była szkoła, to były czasy!

Energetyk-Elektronik

To była szkoła, to były czasy!

Zamawianie biuletynu

Bieżące wiadomości

Ocena użytkowników: 5 / 5

Gwiazdka aktywnaGwiazdka aktywnaGwiazdka aktywnaGwiazdka aktywnaGwiazdka aktywna
 

 

W drugim odcinku "Klasyki po śląsku" prezentuję kolejne znane i lubiane perełki polskiej poezji w przekładzie na język śląski. Zapraszam do lektury wierszy "Ynta piźniynta" i "Ołberiba".

YNTA PIŹNIYNTA

(oryg. "Kaczka dziwaczka" J. Brzechwa)

 

Nad rzykom, kole zakrynta,

Mieszkała piźniynto ynta,

Co niy doś, co mioła ptoka,

Lotała kajś po szczodrokach.

Przilazła roz do golaca:

"Dejcie mi sam co na kaca!"

Róncz kulo sie do apteki:

Gróntfarba chca do gipsdeki!

Potn do magla u Frydki

Brifmarek kupić dwie tytki.

Godały tak ynty chórem:

"Ta ynta sie leje żurym!"

Znosióła ino kroszonki,

Na dziub dowała piestrzónki,

Króm tygo, na sprzik inkszym yntom,

Farbiła sie gowa tintom.

Roz z maczkiym robióła knify

By szkryflać sie maczkiym brify.

Kej zjodła roz szlajfka w pudle,

Pedziała, co som to nudle,

A kej zaś złykła dwa złotki,

Pedziała, co łoddo flotki.

Staroły się inksze ynty:

"Co bydzie z ynty piźniynty?"

Aż prziszoł roz Buła z Bulinom:

"Zjymy sie jom z apluzinom!"

Doł kuchorz sie proco duże:

Uskwarził ynta w bratrurze,

Tóż herszlag piznoł boroka,

Kej wycióng miast ynty - hazoka!

Łod razu poszoł na rynta - 

Tak ynta bóła piźniynta!

OŁBERIBA

(oryg. "Rzepka" - A. Mickiewicz)

Zasadziół ópa sie ółberiba,

Óma mu godo: "Po kiego grziba!"

A ópa na to: "Dej pozór Trudka!

To je na moim kónsku łogródka!"

Kożdydziyń chodziół i sie podziwoł,

Kożdydziyń ółberiba podlywoł.

I wyros grincojg srogi, kolity,

A gryfny - choby ómy połrzitek.

Ópa sztyjc łaziół i sztyjc sie herził:

"Tak ółberiba sadzić noleży!"

Aż roz mu prziszoł pomys do gowy - 

Zrobić sie zupy ółberibowy.

Prziloz na grzóndka i sie przisadził:

Cióngnie i cióngnie... i niy poradzi.

"Ciynżko wycióngnońć ta ółberiba,

Ftoś do pomocy przido sie chyba!"

 

Tóż woło ópa ómie na ucho

(To skuli tygo, co bóła gucho):

"Jak mie sam chycisz, jo ółberiba,

To wyciongnymy jom razym chyba!"

Pocom sie ópa z ómom i wadzom,

Ciongnom i ciongnom - i niy poradzom.

Óma za ópe, ópa za liście,

A siyły tyla, choby we cwiście;

"Ciynżko wycióngnońć ta ólberiba,

Ftoś do pomocy przido sie chyba!"

 

Róncz prziszła wnuczka, óma wpół łapie,

Puczy i cióngnie, stynko i sapie;

Wnuczka za óme,

Óma za ópe,

Ópa za liście,

A siyły tyla, choby we cwiście;

"Ciynżko wycióngnońć ta ólberiba,

Ftoś do pomocy przido sie chyba!"

Woło sam wnuczka swojego dakla:

Przilecioł dakel - łap jom za jakla!

Dakel za wnuczka,

Wnuczka za óme, 

Óma za ópe,

Ópa za liście,

A siyły tyla, choby we cwiście;

"Ciynżko wycióngnońć ta ólberiba,

Ftoś do pomocy przido sie chyba!"

Zaszczekoł dakel na kota w siyni:

"Chyć sie roboty, zamiast sie lynić!"

Chyciół kot dakla, 

Dakel za wnuczka,

Wnuczka za óme,

Óma za ópe,

Ópa za liście,

A siyły tyla, choby we cwiście;

"Ciynżko wycióngnońć ta ólberiba,

Ftoś do pomocy przido sie chyba!"

Mierzi darymny tyn futer kota,

I beztóż woło do sia kokota:

"Pódź sam, a gibko, żadny kokocie,

Zamiast rajcować kury na płocie!"

Kokot za kota,

Kot chyciół dakla,

Dakel za wnuczka,

Wnuczka za óme, 

Óma za ópe,

Ópa za liście,

A siyły dali tyla, co w cwiście;

"Ciynżko wycióngnońć ta ólberiba,

Ftoś do pomocy przido sie chyba!"

Kokot na krzidłach mioł już plynskierze,

Tóż drapko ynta do spółki bierze:

Ynta kokota,

Kokot za kota,

Kot chyciół dakla,

Dakel za wnuczka, 

Wnuczka za óme, 

Óma za ópe,

Ópa za liście, 

A siyły dali tyla, co w cwiście;

"Ciynżko wycióngnońć ta ólberiba,

Ftoś do pomocy przido sie chyba!"

Ynta już siwo - choć bóła bioło,

Gibko tyż gynś do pomocy woło:

Gynś chyto ynta,

Ynta kokota,

Kokot za kota,

Kot chyciół dakla,

Dakel za wnuczka,

Wnuczka za óma,

Óma za ópe,

Ópa za liście,

A siyły dali tyla, co w cwiście;

"Ciynżko wycióngnońć ta ółberiba,

Ftoś do pomocy przido sie chyba!"

 

Gynś gyngo głośno: "Tu by trza kónia!"

I patrzi w góra. Widzi boczónia:

"Zanim podciepiesz bajtla do dómu,

Ta ółberiba wydrzić nom pomóż!"

Boczóń za gynsiom,

Gynś chyto ynta,

Ynta kokota,

Kokot za kota,

Kot chyciół dakla,

Dakel za wnuczka,

Wnuczka za óma,

Óma za ópe,

Ópa za liście,

A siyły dali tyla, co w cwiście;

"Ciynżko wycióngnońć ta ółberiba,

Ftoś do pomocy przido sie chyba!"

 

Boczóń sie wejrzoł, trómfnoł z wysoka

Żabie, co sie gafcyła z żabioka:

"Zamiast rzić moczyć dycki w żabioku,

Dej sie sam proco i niy stój z boku!"

Żaba boczónia,

Boczóń za gynsiom,

Gynś chyto ynta,

Ynta kokota,

Kokot za kota,

Kot chyciół dakla,

Dakel za wnuczka,

Wnuczka za óma,

Óma za ópe,

Ópa za liście -

Tak sie zażarli, tak sie zaparli,

Że ółberiba z ziymi wydarli!

 

 

Beztóż co wszyjske mocka cióngnyli,

Łoroz sie wszyjske wykopyrtnyli:

Jedyn drugiymu mocka nazgobioł,

Ałflałf festelny sie na rónd srobiół:

Ópie zasuło marasym łoczy,

Ómie zaś gybis z gymby wyskoczył;

Wnuczka mo ino jakli połowa,

A dakel cołko zdrzistano gowa

I ganc zdropany pulok bez kota;

Kot mo zdzióbany łeb bez kokota,

Kokot zajś, co sie asił łogónym,

Mo jedyn fyjder - i to ajchnióny;

Yncie dziób prziczas wiyrch łod gulika,

Beztóż wyglondo choby pelikan;

Niy doś, co z gynsi i tak bół szpotlok,

Mo na chyrtóniu terozki motlok;

Boczóń do łeba (bez cufal pono),

Żaba za lynzyk mo prziklejóno,

Szelónto deklem i dre sie: "Co to?!"

A biydno żaba na rónd mu loto.

 

Kej wszyjske gichli i tak szkamrali

Co sie sam dzieje niy skapowali,

Synek, co z lauby kukoł bez szyba,

Łoroz im ebnoł ta ółberiba.

 

 Wiersze: Krzysztof Woźniak

Grafika: A. Prygiel, J.M. Szancer

(ciąg dalszy nastąpi)

Zapraszam do lektury innych artykułów na mym blogu!

Krzysztof Woźniak Va 1975

Komentarze obsługiwane przez CComment

Nasze forum

new
Zapraszamy na nasze Forum !!

Ostatnio zarejestrowani

  • HUBANC
  • Mojra
  • MJaskulski
  • bazyli
  • marmur@wp.pl

Popularne

Zegar

Reklamy